Біртұтас тәрбие бағдарламасына негізделген жоспарға сәйкес Тілдер мерекесі күніне орай, мектептің тіл мамандары «Тілім менің ғасырларға аманат» атты апталықтың ашылу салтанатын өткізді.

5-қыркүйек күні мектебіміздің фельдшері, педагог-психологтарының және сынып жетекшілердің қатысуымен «Балалардың физиологиялық тұрғыда ерте дамуы» тақырыбында отырыс өтті. Мектеп фельдшері  балалардың  жас  ерекшеліктері физиологиясы мен мектеп гигиенасы туралы, жас өспірімдердің даму заңдылықтарына тоқталса, психологтар өз кезегінде баланың психологиялық дамуы туралы сөз қозғады.

Отбасы күніне орай, мектеп психологтары А.Кылышбаева мен Ж.Манатбекова оқушылар ата-аналарының тәрбие мәселесіндегі педагогикалық, психологиялық сауаттылығын арттыру мақсатында кездесу ұйымдастырды. 

Отбасы күні мерекесіне орай, мектебіміздің 1-11 сынып оқушылары арасында «Отбасы -бақыт аясы» тақырыбында сынып сағаттары өткізілді. Мақсаты: отбасы құндылықтарын дәріптеу.

3-қыркүйек күні психологтар А.Кылышбаева мен Ж.Манатбекованың қатысуымен мектептегі некеге тұруды жоспарлап отырған жас мамандар   үшін  дәріс өткізілді. Дәрістің мақсаты жастардың отбасын құру, оның негізгі мәселелері мен жас жұбайлардың отбасылық өмірге әлеуметтік бейімделуі туралы көзқарастары мен пікірлерін анықтау болды. Жас мамандар өз ойларымен ашық бөлісіп, маңызды сұрақтарға жауап алды. Психологтар өз кезегінде жастарға психологиялық қолдау көрсетіп, әр түрлі қызықты тренингтер өткізді.

Жылдық оқу-тәрбие жоспарына сәйкес, Біртұтас тәрбие бағдарламасына негізделген, мектеп директоры А.К.Айдымбаева мен Талдықорған ҚПБ Ювеналдық полиция бөлімінің аға инспекторы, полция майоры Д.Алмайұлының қатысуымен ата-аналар жиналысы өткізілді. Жиналыс барысында ата-аналар көптеген сұрақтарына жауап алды.

2024 жылдың 2-қыркүйек күні мектебімізде «Білім күні» мерекесіне арналған бірыңғай тәрбие сағаттары өткізілді.

Ағымдағы жылдың қыркүйек айының   бірінші жұлдызында, мектебімізде Білім күніне арналған салтанатты жиын өткізілді.