Жас мамандардың «Ашық есік» күні

ХХІ ғасыр — білімді, талантты, әлемнің, елдің және отбасының тағдыры үшін жауапкершілікті мойнына ала білетін жастардың дәуірі. Жастар ғасырлар тоғысында мойнына үлкен жауапкершілік алып отыр. Мектебімізде жас мамандар білім саласындағы күрделі өзгерістер кезеңінде өтпелі кезеңнің талап-тілегін түсіне отырып, қызмет атқаруда. Мектебімізде жас мамандардың «Ашық есік» күні аясында ашық сабақтар, тренингтер өткізді. Бастауыш сынып мұғалімдері Г.К.Крыкбаева, А.Е.Агзамова, Н.А.Тимофеева, тарих пәні мұғалімі М.Н.Отарқожа, орыс тілі мен әдебиеті пәні мұғалімі Г.Т.Баймошканова, ағылшын тілі пәні мұғалімі Б.Б.Керимбекова, математика пәні мұғалімі Р.Х.Хамитов, информатика пәні мұғалімі А.Т.Исабай, педагог-психолог А.Аскерова өз кезегінде ашық есік күнінде ашық сабақтар, жас мамандар арасында тренинг өткізді. Ашық сабақтарға тәжірибелі мамандар мен тәлімгерлері қатысып, сабақтарын талдап, әдістемелік көмек, бағыт-бағдар берді. Жас мамандар әдістемелік қоржынын тәжірибелі ұстаздардың ақыл-кеңесімен толықтырды.