«Балалар әлемі»

15.09.2018 жылы «Талдықорған қалалық білім бөлімі» ММ «Балалар әлемі» тақырыбында өткізген мерекесінде «Абай атындағы №1 орта мектеп-гимназиясы» КММ «Менің қалам-Талдықорған» тақырыбында асфальтта сурет салу іс-шарасын ұйымдастырды. Мерекелік шараға қаламыздың 28 мектебінің 4сынып оқушылары арасында байқау өтті. Оқушылар өздерінің сүйікті қалаларына арнап асфальтта сурет салды. Мерекелік шара соңында «Абай атындағы №1 ОМГ» КММ директордың тәрбие ісі-жөніндегі орынбасарлары Д. Татенова, С Тұрсынбаева және сурет пәнінің мұғалімі Б. Сүлейменов қорытынды шығарып, оқушыларға мақтау қағаздарын ұсынды. «Талдықорған қалалық білім бөлімі» ММ басшысының орынбасары С.Ш. Бақтыбаева мен тәрбие бөлімінің басшысы Г.Е. Үсенова құттықтау сөзін айтып, мақтау қағаздарын табыс етті.
Сонымен қатар осы мерекеде О.П. Кравченко жетекшілігімен 3 «Г» сынып оқушысы А. Ахметова қалдық материалдардан сән үлгісінде тігілген көйлек киіп дефилеге қатысты. 7 «Б» сынып оқушысы А. Жамбайбек «Жас ақындар» жарысында өз шығармасын топ алдында оқыды. Екі оқушы да жүлделі мақтау қағазымен марапатталды.