«Білім бәйгесінің үздіктері марапатталды»

Жалпы білім беретін пәндер бойынша 5-6 және 7-8 сынып оқушыларына арналған республикалық олимпиаданың ІІІ (облыстық) кезеңі өз мәресіне жетіп, үздіктерді ұлықтаған салтанатты марапатту рәсімі өтті. 

Бұл білім додасы – жас дарындардың қабілеті мен ізденісін шыңдап, олардың ғылым мен білімге деген қызығушылығын арттыратын маңызды алаң. Салтанатты жиынға барлығы мектебіміздің 3 оқушысы қатысып, өз еңбектері мен табандылықтарының нәтижесін көрсетті. 

Олардың ішінде: 

ІІ орын – 6 сынып оқушысы Мұхтар Алихан, жетекшісі Айханым Бақытжанқызы

ІІІ орын – 7 сынып оқушысы Югай Диана, жетекшісі Сәуле Жанатовна,                 6 сынып оқушысы Тумарбай Нурзат, жетекшісі Зарина Жанатовна иеленді. 

Жеңімпаздар мен жүлдегерлерге лайықты құрмет көрсетіп, олардың жетістіктері – ұстаздар еңбегі мен ата-аналар қолдауының жарқын көрініс екені ерекше атап өтілді. 

Бұл жетістіктер – болашақтың білімді де білікті ұрпағы қалыптасып келе жатқанын дәлелдейді. Жас зияткерлерге алдағы білім жолында жаңа белестерді бағындыруға тілектестік білдіреміз.