Мектептегі бракераждық комиссия

Мектептегі бракераждық комиссия тарапынан асхана жұмысына кезекті мониторинг жүргізілді. Мониторинг барысында дайын тағамдардың сапасы, ас мәзірінің бекітілген талаптарға сәйкестігі, азық-түлік өнімдерінің сақтау мерзімі мен санитарлық жағдайы тексерілді. Сонымен қатар асхана қызметкерлерінің тазалық талаптарын сақтауы, арнайы киімдерінің болуы және тағам дайындау барысы бақылауға алынды.

Тексеру нәтижесінде асхананың жұмысы қанағаттанарлық деп танылып, оқушыларға ұсынылатын тағамдардың сапасы мен қауіпсіздігі назарға алынды. Комиссия тарапынан асхана әкімшілігіне санитарлық талаптарды тұрақты сақтау, тағам сапасын жақсарту және қызмет көрсету деңгейін арттыру жөнінде ұсыныстар берілді.