10-тамыз Абай күні.

Мектебімізде 10 тамыз, яғни, бүгін «Абай күніне» орай,   халқымыздың перзенті, қазақ халқының ұлы ойшыл ақыны, данышпаны Абай Құнанбайұлына арналған «Абай – дана, Абай – дара қазақта!» атты әдеби сазды кеш ұйымдастырылып өткізілді. Кеш барысында құттықтау сөз кезегін бірінші болып мектеп директоры Айдымбаева А.К. алып, жиналған қауымды мерекемен құттықтап, жылы лебізін білдірді. Айтулы іс-шарамызға   ақын, журналист, облысымыздың құрметті азаматы Рақышев Кенжехан Мұстағалиұлы қатысып, Абай Құнанбаевқа арнау өлең оқып, өз тілегін білдірді. Оқушыларымыз бен ұстаздарымыз да, ұлы ақынның   өлеңдерін оқып, әндерін орындап, белсенділік танытты. Мерекелік іс-шарамыз жоғары деңгейде аталып өтті.