Жас түлек -2023ж
22.06.2023ж күні мектебімізде «Жаңа Қазақстан – болашаққа бастар жол» атты 11 сынып оқушыларына, яғни түлектерге арнап аттестат тапсыру салтанатты жиыны өтті. Жиынға құрметті қонақ ретінде қалалық білім басқармасының басшысының кеңесшісі Бақтыбаева Қарашаш Шаймұратқызы қатысты.
Салтанатты жиынымыз әсем әнмен басталып, мектеп директоры А.К.Айдымбаева түлектерді жылы лебіз білдіріп құттықтап, ақ тілегін арнады. Іс-шараға барлығы 80 түлек қатысты. Оның ішінде Башар Дарья және Рыбальченка Александра мектепті «Алтын белгімен» аяқтаса, Табачный Денис «Best аттестат» иегері атанды. Мектептегі екінші аналары болған сынып жетекшілер де, бітіруші түлектерге ізгі ниетті тілектерін арнап, ақ жол тіледі. Сөз тізгінін ата-аналар алып, ұстаздар қауымына алғыстарын айтып, балаларын жарқын болашаққа аттаған алғашқы қадамдарымен құттықтады.
Іс-шарамыздың соңы түлектердің алтын ұя білім ордаларына арнап «Мектебім» әнін орындаумен аяқталды. Салтанатты жиынымыз жоғары деңгейде өтті.
