Алматы қаласы, «Абылай хан атындағы Қазақ халықаралық қатынастар және әлем тілдері университеті»

Мектебімізде Абылай хан атындағы Қазақ халықаралық қатынастар және әлем тілдері университеті өкілдерінің қатысуымен кәсіптік бағдар беру кездесуі ұйымдастырылды. Кездесу барысында университет мамандары оқушыларға оқу орнының білім беру бағдарламалары, халықаралық байланыстары, шетел тілдерін меңгеру мүмкіндіктері және қабылдау талаптары туралы жан-жақты ақпарат берді. Іс-шараның мақсаты – оқушыларға болашақ мамандық таңдауда бағыт-бағдар беру, жоғары білім алу мүмкіндіктерімен таныстыру және кәсіби қызығушылықтарын арттыру. Кездесу барысында бітіруші сынып оқушылары өздерін қызықтырған сұрақтарын қойып, мамандардан қажетті мәліметтер алды. Аталған кәсіптік бағдар беру жұмысы оқушылардың болашақ мамандығын саналы таңдауға ықпал етті.