Көксу ауданы Ауылшаруашылық колледжі

Бүгін мектебімізде Көксу ауданы Ауылшаруашылық колледжінің ұжымы қонақта болып, 9-сынып оқушыларымен кәсіби бағдар беру мақсатында түсіндірме жұмыстарын жүргізді. Кездесу барысында колледж мамандары білім беру бағыттары, мамандықтар ерекшелігі және болашақта сұранысқа ие кәсіптер туралы жан-жақты ақпарат берді. Іс-шараның басында екі мекеме директорлары өзара ынтымақтастықты нығайту мақсатында меморандумға қол қойды. Бұл — алдағы уақытта бірлескен жұмыстарды, яғни әртүрлі жобаларды қолға алып, жүйелі түрде жалғастыруға үлкен мүмкіндік береді. Осындай маңызды кездесулер оқушылардың дұрыс мамандық таңдауына бағыт-бағдар беріп, болашағына сенімді қадам жасауына ықпал етеді.